*光頭媽媽日誌*

光頭爸爸不忍我「有頭髮邊個想做有痢癩」⋯何況我家下無！
終於出手幫我剃到個頭光秃秃。
終於名符其實！光。頭。媽。媽。

打從確診一刻，我已經下定決心要剃頭。
光頭爸爸應承我一齊去。

時間緊逼，我必需在向家人交待後、化療開始前去剃頭。
一刻，光頭爸爸說不用急，因為頭髮不會一下子掉下。
我說：不！
這不是頭髮何時掉下的問題。
這是宣戰的行動。
這是決心的表現。

所有化療帶來的副作用，我都只能黙黙等着，等着藥力發揮作用，等着身體去接受。
灰心的說，我身體每天都被癌細胞攻擊，我只有坐着發呆？
不！
我不要讓自己眼巴巴的被它折磨下去。
先下手為强。

我不要看着頭髮像那嚇人的電影情節一束一束的掉下來。

於是，找來為我理髮快20年的老朋友，為我先飛個超短髮。
然後在第一回化療後的第11天，頭髮開始掉的時候，再自己把頭髮剷掉。最後就在昨夜的渡輪上 － 講笑！在昨夜的浴缸上，剃到光秃秃！型好多囉！

之前提過，就算有晒心理準備都好，當要甩，嚟料嗰刻，其實仍然係好震撼。我執住嗰幾條得幾mm嘅頭髮，由北角站到坑口站，心中有說不出的難過。我番到屋企，將佢哋留起咗做嗰紀念。

所以呢，如果剪短佢，除咗表示先下手為强！先下手為强！先下手為强！（這是很重要的！要講3次！）仲可以減低大量甩掉長頭髮時嘅嚇人⋯⋯心理狀態好緊要！唔好再被隻衰嘢嚇倒自己！

講完。舒服晒！
P.S. 因為我真人靚啲，而張相同個死人頭又麻麻地靚而要馬賽克咗佢，所以呢⋯⋯想睇嘅都係約我啦😆😆

（本文獲光頭媽媽日誌授權轉載）