*光頭媽媽日誌*

很久很久不見。

不單係好耐好耐無UPLOAD喺光頭媽媽同大家見，係好耐好耐無見我婆婆，孩子的太婆。

婆婆因為跌倒入院多月，這幾個月來，我一次都沒有去醫院探望婆婆，因為我好怕。

好耐好耐，其實，每個星期我都在心中盤算，邊一日邊一個時間邊一個空檔可以去醫院睇吓佢老人家，但我好怕。

每次收到家人在群組來傳來婆婆的最新消息，不論好懷，我都好怕。

我一直在逃避。係，我係自私，我不能將孝心放在我自己之前，我怕去面對呢件傷心嘅事。

我怕見到我本來中氣十足的婆婆變得虛弱，我怕見到我佻皮搞笑嘅婆婆變得呆濟，我怕見到我四圍騰嘅婆婆不能彈動，我怕。一直逃避，我也怕我一直逃避，連最後的機會也悄悄地遠走去。

星期五，門鐘響起，心裡自然反應是婆婆來了，可是，婆婆都仍在病床中。大伙兒聚餐，那個婆婆專用的皇座，暫時都讓了畀其他長輩坐；這一切一切我都看在眼裡，痛在心裡。

我徘徊安老院外圍仍進不了，直到今天。

婆婆雖然唔認得我，唔記得我，不停同我講「多謝你，多謝晒，你咁好人士幫我⋯」「唔該晒靚女」「你啲頭髮好靚喎」「我好彩喇，八十幾歲都無病無痛⋯全屋三十幾人都無嗌烚⋯」「你係翟XX？我個孫呀？係真呀？」「我有八個仔女，十三個孫⋯」不停重覆咗一個鐘。

見到你精神有笑容我就放心。下星期再嚟。

請你原諒我的軟弱，等我花了好耐時間，準備好才去睇你，請你原諒我。求天父讓你平安地過每一天，直到那天。也多謝家人給我的體諒。

想讓大家想想，太多時候，我們為了滿足世人的目光，把自己放得很低很卑微的位置，直到一天，要爆才醒覺，一直以來，我們迫自己到死胡同。不是想為自己找借口，而想提醒自己，照顧自己才可以愛。

（本文獲光頭媽媽日誌授權轉載）