電療後的皮膚護理

* Amanda 抗癌日誌 *

（第五回）

最近有唔少客人都提到身邊有朋友/親人要做 #電療
所以我分享一下電療期間及完成療程後怎樣護理皮膚
電療的位置會預先設計劃位
識別要電嘅部份
所以皮膚上面會有唔同顏色嘅線
一般電療星期一至五連續做 5 日
周末休息，為期 5-6 星期
每日去電療嘅時候治療師都會補下條線
星朋六、日就要小心 D 沖涼果陣唔好捽甩哂
治療期間電療嘅皮膚唔好直接用花灑沖洗
通常我會由頭頂灑水
清水流過電療皮膚就得
盡量揀 D 低刺激性無香料嘅 BB 沖涼液
皂水流過電療位置無問題不過唔好直接搽沖涼液
電療好似照 X 光咁
舉高手瞓喺個模度
呼吸要定個身唔好郁
照 15 分鐘左右就完成
我總共做咗 5 星期
頭 2 星期皮膚無特別反應
第 3 星期開始紅紅地痕痕地
好似曬完太陽咁

醫生同埋治療師都唔建議治療期間搽野
所以我完哂 5 星期才開始搽 Cream
電療會令皮膚嘅油脂分泌減少
皮膚會變得又鞋又乾
醫生叫我用 #SorboleneCream
不過我覺得唔夠潤
用咗我地隻 Skin Repair Cream 先得
搽完好快就吸哂
每日要搽 2-3 次先夠潤
太爽太薄嘅 Cream 係唔夠嘅
睇下屋企有冇 Oil Base 嘅潤膚霜
完咗治療之後出咗幾粒細細嘅水泡
Keep 住搽 Cream 好快就收咗水
然後開始甩皮
每次搽 Cream 都甩到成手皮
每甩多 D 皮膚就白滑 D
大概 4 星期就甩咗 8/9 成
腫瘤位置係最重幅射劑量嘅
那個部分要耐 D 先退色
早幾日覆診
醫生話我 D 皮膚復原得好好
比其他人好得快
除咗勤護膚仲要拉下筋
電療部分的肌肉容易變得崩緊
要每日拉筋 3 次
Keep 住做 5 年養成習慣

（圖文獲 Da Online Closet 授權轉載，標題為小編所擬）