*光頭媽媽日誌*

很久很久沒有更新。願大家還好。

因為被書名吸引 – 《雖然想死，但還是想吃炒年糕》所以買的一本書，只看了四分一，想同大家分享嘅原因，因為佢令我有好多反思。

每個人嘅今日，都係由無數個昨日所形成，點解會咁執着、點解會咁硬頸、點解咁在意人哋嘅批評、點解咁無自信、點解會咁嬲某個人、點解成日發同一個惡夢，我覺得除咗天生性格使然，無數有記憶、無印象嘅經歷都會烙印喺身體、記憶之中，點滴累積，成為今日嘅你。

作者同佢精神科醫生嘅傾談過程，不至於當頭棒喝，但實在會令人思考，自己可能也有類似嘅體會，例如：因為某種接二連三嘅相同經驗：被忽略、不被認同、被輕視等，形成今日渴望被所有人聽見、重視，甚至，過份希望得到其他人嘅認同，而實際上，無人會得到所有人嘅認同、也無必要追求所有人嘅認同。但就因為呢種無謂嘅追求，令自己生活得特別吃力。

邊看邊回想到過去嘅自己，可能只係某中學同學嘅一個微小動作，觸發了當時一個想法，而自己萬萬都估唔到，就因為佢呢個眼神，心裡一直記住，自己一直被影響。到今日我仍然記得。

我沒法預料我可否走出來，但最少，我找到了其中一個源頭，有時間的話，我會把自己能記起的都寫下來，awareness is the first step of everything – 以後嘅就以後再努力吧！

書 – 樂民書店，Facebook 專頁下單。後發現，原來有第一冊，這是2，書名一樣，封面顏色不同。

P.S. 第一次瞓喺阿仔嘅 reading corner 睇書，我都想有自己嘅reading corner – 許願中😆

〈本文獲 光頭媽媽日誌 授權轉載，標題為小編所擬 〉