關於化療

*光頭媽媽日誌*

好多人都聽過用化療（Chemotherapy)對付癌症，但直到光頭媽媽親身去試試，才稍稍了解這是回什麼事。

化療嘅做法，是根據抽樣檢驗後，醫生對癌細胞的分析，為每個病人的個案訂造一個化療方案。所以，每個病人、每種癌症、每個個案都可能不同，但實際上有幾多個我又唔知喎⋯⋯

化療呢，其實就係吊藥，將處方俾你嘅藥好似吊鹽水咁慢慢落入你身體。一隻完咗落第二隻，我第一回嘅反應係好即時，好攰好眼瞓。

而每隻藥在每個人的反應、程度都會唔一樣，好視乎身體啦我估。但你嘅醫生一定要向你解釋清楚每個藥可能帶嚟嘅反應，可以嘅話，最好問埋藥嘅全名，上網揾多少少了解多少少！你知啦，醫生一日做咁鬼多個症，好難一字不漏咁講晒所有嘢你知，總之就問啦！

至於化療嘅反應同後遺，要多啲時間，多啲篇幅，下回分解！

（本文獲光頭媽媽日誌授權轉載）