* Amanda 抗癌日誌 *

（第十八回）

去年以來經常有人話我好堅強、樂觀，其實也不是啊，總會有情緒低落、沮喪、不知所措嘅時候。

呢張相去年 5 月影，頭髮唔同時期甩所以長短不齊，然後滿臉滿頭都爆瘡，每星期療程後都大爆特爆，最嚴重試過瞓醒一覺多幾十粒，全部含膿+痛！醫生解釋每次化療前打嘅類固醇針導致這些含膿嘅瘡，而我相對年輕，加上 1 星期 1 次化療，變相比起 2/3 星期 1 次化療嘅病人更受這些激素影響。

我個人屬於行動派，遇上問題會搵方法解決。最近也有遇到藥物副作用問題啊，不過醫生說唔嚴重也就再等等觀察下。

🌟 肯踏出一步就會見到曙光了 🌟

下次搵機會再同大家傾吓計❣️

（圖文獲 Da Online 生活百貨 授權轉載，標題為小編所擬）